熙來攘往在山頂

董偉業

早日又到山頂一遊，兩個商場裏外遊人密密麻麻，獅子亭上都是觀景和拍照的遊客，四處聽到的都是普通話對話。近年大量中國遊客訪港，令香港旅遊業興旺，旅客數目屢創高峰，成為香港經濟重要支柱，如此盛況在山頂可見一班。

然而物極必反，大陸遊客大大推動了香港旅遊業，但在這過程當中又是否改變了香港的特色呢？有時有些國內同胞較少外遊經驗，在外地有過份喧鬧的問題，我反而不是介意這些。我留意到的是山頂有些變得好像和大陸其他名山的景點差不多，總是一大堆一大堆穿得光鮮的人要擠到觀景區前拍照留念。而其他如西方，日，韓等遊客好像在大量的中國遊客當中逐漸消失了。

台灣有去中國化運動，而香港在不知不覺間好像進行了去英國化運動。殖民地歷史在短短十年間已大大淡化，東西匯聚的形象已不及「我是中國人」流行。香港獨有的特色減退，逐漸變得和國內城市越來越相近了。

hiuwansol

這一切都拜特區政府所賜, 政府官員短視, 引入自遊行, 同時亦不斷破壞香港獨有的街道特色(如灣仔)及殖民地建築(如天星), 這些都是過往歐美遊客訪港的熱點, 現時舊區重建大都著重大型商場, 這發展模式令每一區都變得面目模糊, 更糟糕的是, 政府連大澳這類漁村景點都建議設立類似灣仔金紫荊的海濱長廊, 以吸引自遊行旅客.....旅發局現時對外宣傳亦絲毫不變, 不懂發掘香港特色之處(舞火龍及太平清醮除外), 十多年來不外乎介紹購物飲食,及一些假古董(如廸士尼),然而, 外國旅客已對這些東西的興趣已不如昔日般大, 亦發現到港旅遊只需一兩天便足夠, 久而久之訪港的外國亦逐漸減少.....以現時香港的發展模式, 不難預計外國遊客人數將進一步減少

lynn

原帖由 董偉業 於 2008-10-26 23:47 發表 大陸遊客大大推動了香港旅遊業，但在這過程當中又是否改變了香港的特色呢？

所謂入鄉隨俗, 如果內地遊客都可以遵守吓香港0既規則, 或者有番少少公德心, 應該會好好多.

星期日坐地鐵, 車廂都幾多人, 有人起身落車, 即刻有幾個國語人衝出, 身手當然快過身邊亞婆, 一屁股坐下. 原來係一個約十歲0既細路, 非常健碩, 亞媽仲贊佢醒目精靈, 跟住好大聲叫隔離卡的人過埋黎. 一家五口, 三代同堂, 成卡車好似佢地包左, 大大聲講野. 旺角站落車, 座位上面有些東西, 仲以為漏左野, 完來係大大個食物包裝紙, 地下仲成地食物碎........

VeraWaWa

外國人來香港都系想睇特色野多d，唔通專登來呢度睇高樓shopping咩，太把地方仲多過香港啦。
至於山頂，上兩個星期都去左一次，內地同胞真系唔少，好多年未上過山頂了，原來而家上凌霄閣頂層睇夜景要俾錢，位位二十紋，我記得以前系唔使ga，上面d燈都少左好多(影相好難影 )，不過有專人收費影相，一張一百大元，哎…甘樣的而且確系一條好好既財路，香港夜景甘出名，來到冇理由唔睇，冇理由又影返張相紀念…

而下面既商場多數變左食店，唔上頂樓基本上望唔到咩夜景。
好希望政府可以搞多d有特色有文化既野來吸引遊客，呢d先系長久之道

tassiefred

其實我想問一句題外話，大家覺得『幻彩 fing 香江』靚唔靚呢？

亞姐

原帖由 tassiefred 於 2008-10-28 18:21 發表 其實我想問一句題外話，大家覺得『幻彩 fing 香江』靚唔靚呢？

其實我覺得fing 得幾好.

hkfkh

所謂時移世易也, 若干十年前,老毛天下,大陸仲係鐵板一塊, 就算是外國人,去大陸都要搞好煩的手續. 當其時就有好多人去到落馬洲, 警署附近有個小山,去眺望大陸風光, 仲有埋強力望遠鏡, 睇下個神秘的中國咁話. 好多港人亦去個處,北望神州,有家歸不得,感慨萬千.....   猶記當年仲有大/ 小巴入去既潻. 個處個廁所真係好干凈. 直頭當係去旅行既啦. 仲有位白髮銀髯的伯伯, 同的遊客影相, 小費隨意,有無都咁開心....  
現今,大陸開放, 出入隨便,皇岡/深圳,當做屋企啦. 也用不著感慨什麼了, 外國人去大陸,同去落馬洲一樣咁方便.   
想緬懷殖民地風情?  影都無埋囉 ......    去上海灘啦, 不過見過有幾座建築物,好似澳門大三巴咁,只有正面的墻, 背後却是另一間野, 又是門面工夫 - 裝假狗.  有乜咁奇, 見慣不怪矣....

VeraWaWa

原帖由 tassiefred 於 2008-10-28 18:21 發表 其實我想問一句題外話，大家覺得『幻彩 fing 香江』靚唔靚呢？

要視乎系邊度睇哦，之前睇都系睇得對面几幢有燈fing 下fing下，穩個位可以全方位睇應該會几靚。

hkfkh

上船 -遊船或渡海小輪-在水中央, 可以中環 /老尖兩岸都看到, 感覺上好睇的, 滿足的.
也要講時運, 有時有些大廈好似無著燈咁, 剩得屋頂支激光兩頭擰,會有不夠燈光燦爛的感覺, 有點烏燈黑火 .....

Aries

如果香港是一件商品, 咁香港嘅價值, 未來價值........