旅遊人生 討論區

論壇» 中國 » 青藏版 » 6月 川藏南線 9天8夜 包車費用?

旅遊人生 討論區 » 中國 » 青藏版 » 6月 川藏南線 9天8夜 包車費用?

版主: pazu

  青藏版

[交通] 6月 川藏南線 9天8夜 包車費用?

如果四個人於六月由拉薩往成都 坐回程車 走川藏南線 9天(<-會否太短?),應選擇什麼車種?費用為多少?需為司機食宿付費嗎?找司機方面,要至少多少天前找?在哪裏找?錢何時才付?

6月?? 係咪打錯呀? 定係出年6月?

坐回程車走川藏南線 9天(<-會否太短?)
- 南線通常行7-8日, 玩埋稻城亞丁就9-10日

應選擇什麼車種?
- 一定要四驅越野車啦, 跑呢d線嘅通常係豐田4500車多

費用為多少?
- 我識嘅師傅, 佢地返空車行南線係8000, 我之前行過北線就10000
- 由於返空車已比正常車平(不用比返空費), 你格價時亦唔好揀d平公價好多嘅車噃(熟客例外啦), 除非你預左行程會比正常短啦. 因為有d司機搵唔到客又想早日離開拉薩返成都接下一轉生意時, 佢地開價會比正常平黎引你上車的, 但最後就極速走4-5日返到成都. 所以若果你係真的想好好玩足個行程, 唔好貪平, 一分錢一分貨啊.

需為司機食宿付費嗎?
- 要

找司機方面,要至少多少天前找?
- 當然係要早d問啦, 返空車嘅時間要同師傅夾的, 若你出發時間可以靈活d就最好, 因為都要有車由成都去拉薩先有返空車嘛.

在哪裏找?
- 出發前搵人介紹囉, 所以我已PM左d資料比你. 另外, 你都可以去到拉薩先搵, 但咁樣就未必定到出發日啦. 所以, 時間緊的最好出發前搞掂左先啦

錢何時才付?
- 通常要比訂金的, 咁師傅先會係拉薩等你, 你唔落訂, 佢係拉薩搵到客就走架啦
帶著相機去旅行 腳步放慢了 也走遠了 看多了 亦認識自己多了 你呢
http://www.fotop.net/gracewong123/gracewong12377

~ 樂.活.成都(香港人住成都^o^)~

六月底七月是強降雨季啊,容易發生泥石流。出發前最好查一查當地未來天氣情況和路況。龜仔當年就是試過夏季走川藏遇上泥石流,中途滯留了。  同意樓上,拉薩翻成都要早D問,落實好覺得信得過就落訂啦。一定要落實好走的路線同大概天數,費事到時D司機叔叔坐地起價,果時先煩啊!  有D司機這是好折墮,中途丟低你或者比面色睇就唔好啦,安全至上!
小海龜看大世界~特別中意在青藏+尼泊爾區域背包遊蕩~偶爾在蘇州冒泡~

回復 2# gracewong123

Really thx for your advice!!!



「  6月?? 係咪打錯呀? 定係出年6月?」

唔好意思呀 係呀 係出年六月^^"


「費用為多少?
- 我識嘅師傅, 佢地返空車行南線係8000, 我之前行過北線就10000
- 由於返空車已比正常車平(不用比返空費), 你格價時亦唔好揀d平公價好多嘅車噃(熟客例外啦), 除非你預左行程會比正常短啦. 因為有d司機搵唔到客又想早日離開拉薩返成都接下一轉生意時, 佢地開價會比正常平黎引你上車的, 但最後就極速走4-5日返到成都. 所以若果你係真的想好好玩足個行程, 唔好貪平, 一分錢一分貨啊.」

8000呢個價係咪只包車費不包司機食宿?


「在哪裏找?
- 出發前搵人介紹囉, 所以我已PM左d資料比你. 另外, 你都可以去到拉薩先搵, 但咁樣就未必定到出發日啦. 所以, 時間緊的最好出發前搞掂左先啦」
收到你個PM喇!THX!




另有一個問題,如果喺西藏玩然後走川藏線,共25日,應該帶幾多現金喺身?沿途是否只有大城市(如拉薩、日喀則、獅泉河、康定、雅安)可以提款?

回復 3# TurtleG

THANKS!!!
如果是雨季的話,改走北線會否安全點?
如果出發前查到係雨季,但其時已找到司機、又付了按金,一般做法是怎樣?照出發?

回復 4# wrestrained

8000係淨車費, 唔包門票,司機食宿的, 你budget要預埋架  

出張銀聯卡就可以係大陸錢, 川藏線上d縣城基本上都有農行, 有atm機可提款
其實比左車費係路上用嘅錢有限, 行南線7-8日食住連門票都應該唔洗2000

南, 北線我都行過, 其實路況都差不多, 想雨季都好行d就行青藏果邊啦
比左訂應該可以改期/改行程的, 最好比訂前同司機要求, 佢地應該明嘅, 但梗係唔可以係出發前一兩日話改就改啦, 起碼取消都要早一兩個禮拜通知啩, 人地留左期比你都唔想無生意做, 你去唔成都比d時間個師傅再搵生意呀.  若取消唔去, 退唔退訂你就要問清楚啦.
帶著相機去旅行 腳步放慢了 也走遠了 看多了 亦認識自己多了 你呢
http://www.fotop.net/gracewong123/gracewong12377

~ 樂.活.成都(香港人住成都^o^)~