旅遊人生 討論區

論壇» 中國 » 華南 » 農曆新年廣東由北至南高鐵之旅

旅遊人生 討論區 » 中國 » 華南 » 農曆新年廣東由北至南高鐵之旅

版主: *空缺中*

  華南

[分享] 農曆新年廣東由北至南高鐵之旅

本帖最後由 bernardso 於 2011-2-11 16:20 編輯

農曆新年廣東由北至南高鐵之旅之上半(年初一至三)



今次半準備半自由的旅行由韶關玩到三亞,交通既時間真係唔少! 不過幸好天氣好唔太凍,起車上睇下風景坐下船之唔錯.



在此多謝post70,如果冇佢既買高鐵post我就買唔到廣州南到韶關既高鐵票,成個行程亦都冇咁順利.



年初一早上出發先到上水美心食早餐,人多到冇得坐!快快咁企住食完就過關到羅湖坐8:15am大巴到廣州南站.約10點多到達.



我之前已經買咗11:15am既高鐵飛,所以有時間行一行個廣州南站.個度好大. 有約30+火車月台. 附近有武廣高鐵,省車站,市車站,廣州地鐵,城際廣珠鐵路等等. 食方面個度除咗一般火車站有既面餅乾外好似冇咩熟食.我地亦玩過入面既自助售票機.如果係walk-in買,當日年初一可以買到2點几出發到韶關既2等座. 之后順利搭高鐵出發,用約50分鐘到韶關站.全程舒適方便.特別既地方係座下有電源可以义電玩手電. 我未用過因為臨出車先發現到.



20110203_004.jpg
2011-2-11 15:30
20110203_007.jpg
2011-2-11 15:40
20110203_013.jpg
2011-2-11 15:40
20110203_020.jpg
2011-2-11 15:40
20110203_017.jpg
2011-2-11 15:40


到咗韶關高鐵站就可以座17or 22路車到韶關市區.約20分鐘車程.市區.我地就起韶關火車站落.我地同另外2個去乳源既內地朋友包車去乳源.車程1個鐘,RMB120.每人30.之前有網友話有公車去乳源.係岩,不過呢度唔多班次.如有網友搭要去韶關西河汽車站會有相對密班次. 西河汽車站離火車站行要5個字.可搭3路,22路車來回此2站. RMB15.



到咗乳源后起舊汽車站落后, 都只係2點零鐘.搵到地點落腳及食咗野后,因我地打算明日先一早去大峽谷,有時間剩,所以我地因應內地朋友的介紹去,就起舊汽車站等公車去當地出后既雲門寺.年初一去下佛寺睇睇都好呀.等約10分鐘,搭20分鐘車就到了.



由於年初一,人很多.值得睇既係后出有一寺係專紀念一位有德行既僧人.而且有2株大櫻花樹,如果係櫻花盛開時間應似日本個的景色吧(女仔至愛).完咗我地再起乳源县區走走.再行去乳源汽車站睇下有冇年初二有冇車返韶關.但因為年初一關係.5點几去到汽車站一個人都冇.問下當地人佢地話年初一係咁.年初二會"開市".



20110203_032.jpg
2011-2-11 15:40
20110203_036.jpg
2011-2-11 15:40
20110203_035.jpg
2011-2-11 15:40
20110203_034.jpg
2011-2-11 15:40

乳源

20110203_039.jpg
2011-2-11 15:40



年初二, 我地一早起身去汽車站買飛去大峽谷.由乳源汽車站出發有7:30am,8:30am,10:00am班次.我地買咗7:30am班次,出發.不過由於司機岩岩第一日返工,有的司機住乳源大布鎮(好近大峽谷的一條小鎮)要由大布鎮先出車黎所以遲大到要8點3先有車出,重冇位要坐膠桶仔.:-) 不過佢地話一般係準時,只係因為年初一二例外咗. 坐約接近2個鐘就到咗廣東乳源大峽谷嘞.不過最好同司機講去大峽谷.可能少人坐公車去所以唔講司機會起大布鎮落晒客.



廣東乳源大峽谷入場65蚊.包睇表演. 個度既路線主要係有3條路線.分別2條係圍大峽谷2邊走及一條由谷頂落谷底再上返谷頂.因為個度已經冇咗纜車由谷底上返谷頂.所以打算行落谷底既朋友三思.高度差有300米.返上黎係吃力的.不過好值得落去.落咗去可以睇到好大既天然瀑布.由谷頂灑落谷底.下面有個叫水卷寨景區,個度的山水似足九寨溝咁係天然碧綠.山路與天然景觀水乳交容.係此行程一驚喜.



20110203_068.jpg
2011-2-11 15:40
20110203_061.jpg
2011-2-11 15:40
20110203_057.jpg
2011-2-11 15:40
20110203_044.jpg
2011-2-11 15:40
20110203_107.jpg
2011-2-11 15:41
20110203_104.jpg
2011-2-11 15:40
20110203_100.jpg
2011-2-11 15:40
20110203_098.jpg
2011-2-11 15:40
20110203_097.jpg
2011-2-11 15:40
20110203_090.jpg
2011-2-11 15:40
20110203_082.jpg
2011-2-11 15:40
20110203_072.jpg
2011-2-11 15:40



趕搭3點的公交車回乳源.不過我地起落車點等咗陣都未有車到.好彩我地多口問門口個保安,佢話你如果要搭要早的打電話同司機講.因為平時少人由大峽谷搭車.如果冇人打比佢個司機只會起大布鎮出車!但個公交車明明寫話"大峽谷<->乳源".真係唔多口問一路等都會冇車搭.入鄉隨俗,呢個時候唔可以用香港思維諗野..最后我地叫保安幫幫忙打個電話比個公車司機.保安好好人幫我地搵.一陣公車就到及返到乳源.(由大峽谷返乳源公車有1:30pm,3:00pm及4:00pm)公車到咗乳源汽車站我地直接買飛返韶關.是晚我地起韶關落腳.晚上行下韶關亦睇定有咩車到丹霞山.近火車東站有唔少大巴到.不過價錢漲到18蚊.



年初三,一大清早我地到丹霞山.車程約1個鐘.入場RMB120(平日RMB100).入面包括几個景區.我地去咗元陽區(有出名的元陽石)及翔龍湖(陰元石)及最后纜車上落的長老峰. 元陽石一如其名,而且比相像中大.之后搭景區巴士到翔龍湖區,睇陰元石.陰元石個度由翔龍湖區既落車點開始行都要半個鐘多的唔停.所以要睇時間.如果搭湖內的小船(RMB20)可以有另一番風味及行小好多.我地係行去船返.



20110203_127.jpg
2011-2-11 15:41



完咗翔龍湖區,我地本打算行上山,但問過要行2個鐘..所以最后就改搭纜車嘞.不過原來年初三都重係好多人. 我地排咗2個鐘先搭到. 到咗山頂就由觀景台睇下丹霞山地貌.由於怕下山纜車過咗4點亦會好多人,所以我地好快就下山.



20110203_154.jpg
2011-2-11 15:41
20110203_146.jpg
2011-2-11 15:41
20110203_142.jpg
2011-2-11 15:41
20110203_181.jpg
2011-2-11 15:41
20110203_178.jpg
2011-2-11 15:41
20110203_193.jpg
2011-2-11 15:41
20110203_184.jpg
2011-2-11 15:41



丹霞山原本打算多留一日,反正有2日票.但我地主要睇風景,對於因地理特殊成功申遺冇咩大興趣.覺得人太多又冇咩其他特別風景所以冇再留多一日嘞.幸好因包包上山辛苦所以寄放大部份起市區.



我地就再起韶關多逗留一日.是晚我地先再搭車來回到韶關高鐵站,亦買到明日9點返廣州南站既飛.是晚行咗韶關中山公園.晚上亦頗熱鬧.其中一個特色係有公開既象棋棋局.廣播員會叫出象棋棋局走法.有人員會起一個放大版公開既棋局展示出黎. 好有傳統感覺.唔知會唔會几年后LCD projector化了.


(下續...)

20110203_025.jpg
20110203_114.jpg
鴨仔去旅行~~!

本帖最後由 bernardso 於 2011-2-11 16:20 編輯


年初四, 我地搭高鐵返廣州南站. 本來打算搭成際鐵路到珠海玩. 但我地可以玩到年初七,丹霞山少咗一日現有4日剩.最后我地決定到海南島玩. 一於由廣東北玩到南.



20110203_198.jpg
2011-2-11 15:58
20110203_200.jpg
2011-2-11 15:58



年初四早上10點到廣州南站. 我地搵長途大巴先到湛江. 雖然廣州南站有長途巴, 不過最遠只到化州唔到湛江而且要11:30先開車. 所以我地先搭公車到番禺客運站.不過原來車程甚遠. 到咗番禺客運站立即買飛.有一班開11:00湛江既大巴.二話不說就搭上咗.此車原來先到廣州再接客先再經佛山再到湛江.車上有洗手間,但唔比人去.感到奇怪長途車洗手間唔得都几麻煩.到咗2點度起恩平落車再食午餐,點知個度洗手間要1蚊人仔入一次! 原來如此.洗手間都會有回佣! 感覺好似時光倒流廿年前中國洗手間要比錢.哈!唔怪之到得唔比去.非不能也實不為也!



到咗6點度到咗湛江.商量過后決定唔入住湛江而直接到雷州半島最南邊海安鎮入住一晚再早上搭船到海口.希望可以早上坐船睇日出.好彩車站有大巴6:30pm開車到海安鎮.2個几鐘頭車.雷州半島晚上很美.因為公路2邊完全冇民居.有時重有几點山火睇!(我地估因為完全冇人住,冇人理). 車上包括我地2人加司機只有4個人,個世界好似自己擁有晒咁.天地一線,繁星點點.



8:30pm到咗海安新碼頭.個度有新舊碼頭各一.我地問咗船期后發覺碼頭度咩都冇.咁我地只好搭公巴先到附近10公里比較旺既徐聞鎮搵地方住.個度有食有住.不過個度既感覺似返咗去十几年前既大陸成鎮.地方垃圾滿地.但住唔平,我地搵咗几間,間間都起碼要2百多(可能我地個口音似由廣州深圳黎),係招待所格局.搵到食同訓后第2日好早就起咗身.



年初五, 我地搭第一班6點車由徐聞鎮到海安碼頭. 今次佢地就起海安舊碼頭落我地. 海安碼頭有一新一舊碼頭.聽講新碼頭係只載車既船.舊既載人船同載車船都有.載人船最早一班都要7:40am.所以冇得搭船睇日出了.



可能當日比較中,早上都頗大霧.去到海中心開始有藍天可看了.只係沒有海鷗陪左右.聽講平時係有好多海鷗問你攞野食.一路冇咩野睇等等個半鐘頭,終於到咗海口市既碼頭嘞.我地上個碼頭叫新港.亦開始落少少雨.問咗路后搭37到火車站.問咗司機佢話你搭錯咗車嘞.到咗一個站點佢教我地轉搭40路車到火車站. 再搭多半個鐘.就到咗海口市火車(西)站嘞.

20110203_211.jpg
2011-2-11 15:58
20110203_215.jpg
2011-2-11 15:58
20110203_216.jpg
2011-2-11 15:58



個度原來係其中一個高鐵點.亦主要省外火車站點.我地到咗海口第一件事係搵車年初七返深圳.我亦想體驗起火車列車渡船過海既滋味.係有一班T202快車由海南島返廣州.不過要晚上6:00pm三亞開車.晚上咩都冇得睇,所以放棄咗.咁我地先買定高鐵飛去由海口市去三亞.不過除咗10:45am班車. 當日只有晚上7:40班車.咩得咁少車去咋? 冇辦法只有買. 當時已經早上11點多嘞.個度個海口高鐵站亦係冇野睇.似足廣州南站.我地就搭車返海口市區.



問咗司機哥哥.佢話你地搭呢40路車係經過晒海口市東,南,西站.問我地想去邊.我地話想睇下有冇買機票地方.佢話你地去海口美籣機場睇睇. 佢話東站係海口高鐵(東站)最旺既地方好近市區. 我地就搭咗個鐘車到東站睇睇.我地去到立即買飛坐一站既高鐵到美籣機場(海口個高鐵其中一站係去機場,好方便).到咗機場狂問有冇年初七飛機返廣州or深圳.結果只有一班晚上11點機到廣州..我地決定唔咁搭返就立即到海口省外汽車站即係叫海口南站(省外汽車站)睇下.


20110203_224.jpg
2011-2-11 15:58



結果我地買到年初七由海口到廣州早上9:30am既飛(冇晒去深圳車)RMB351.咁就定好多嘞.因為要等到7:40pm先有高鐵車到三亞.我地就先去海口既海灘行下.感受下海口海水既氣味.海口海灘都接近市區.由海口碼頭去海灘有公車搭約20-30分鐘.海岸線好長.我地行咗個几鐘都未行完.約尖沙咀到中環來回2次la.個度有人玩沙滑浪風帆. 有男女影相,好寫意!附近起好多豪宅.好似東部華僑城咁.



20110203_235.jpg
2011-2-11 15:58
20110203_237.jpg
2011-2-11 15:58
20110203_252.jpg
2011-2-11 15:58



搭公車近到海口高鐵站.我地早的去先附近的大排檔食野.食完就搭高鐵.不過呢班車站站停.所以要2個多鐘約晚上10點度先到三亞.到咗2話不說就起高鐵站見公車就搭.搭約3個字見到比較似鎮及有住有食就地方就落車.



年初六, 我地又係一大清早起身準備去亞龍灣. 今次我地好早就見到有公車開.三亞的公車開5:30am,好早! 怕時間唔夠所以我地買外賣. 再搭返回頭車返三亞站.



嘩!早上人龍長到估計要排一個鐘先到你!個時係7:10am度! 我地之前已經check咗由三亞站到亞龍灣站只有7:40am 及9:40am,買唔到就要等多2個鐘...好彩佢地個個都唔排買票機:-) 咁就好彩地買到上候車室食早.



到咗亞龍灣站都係8點度.我地先買返下午2點尾去海口既高鐵飛,再睇下點出高鐵出市區. 晨咁早個度又咩都冇.好彩有巴士去一個叫田獨既鎮.司機叔叔話你起田獨落車過對面搭15路車就可到.由田獨搭去亞龍灣約20分鐘度.落咗車就到咗亞龍灣一個叫海洋世界既地方.個度係比人玩所有水上活動.我地見一車車旅行團大家大細就報名玩水上電單車,潛水,游船河等等.我地一路由海洋世界入個沙灘行.個度好天水清沙幼.



20110203_262.jpg
2011-2-11 15:58
20110203_275.jpg
2011-2-11 15:58
20110203_282.jpg
2011-2-11 15:58
20110203_308.jpg
2011-2-11 15:58
20110203_287.jpg
2011-2-11 15:58
20110203_321.jpg
2011-2-11 15:58
20110203_320.jpg
2011-2-11 15:58



我地行完沙灘就睇下的酒店沿路行.行到咁上次突然有的士問我地去邊,我地話想返田獨.佢問我地有冇去過咩亞龍灣森林公園.我地未去過.不過係想去最近好hit既非誠勿擾2拍攝場地.咁我地咪跟佢車去.個度勁多人.就算排隊入場都要等半個鐘.重未計每次坐電車上景點既時間..我地11點几到要2點半前返到高鐵站. 計過時間唔足夠結果冇入去..



我地行多陣就搭車返田獨鎮食野. 一如我地習慣食完行下會問下的旅店几多$$.嘩,的似旅店既地方叫價RMB600.如真係住,咁我不如住亞龍灣(約1000)對住個沙灘好D.搭高鐵返海口后就搵地方落腳.晚上食下文昌雞同海鮮行下市區準備最后一日今日車旅程.



年初七,早上搭9:30am車返廣州.今次大巴由海口秀英港搭船(同黎海口時唔同港)返廣州.特別既地方係班車去到海口碼頭已經派一個飯盒比你上船食午反(當時約10點半).之后唔會再落車食晚飯嘞.



20110203_417.jpg
2011-2-11 15:59
20110203_410.jpg
2011-2-11 15:59
20110203_402.jpg
2011-2-11 15:59
20110203_390.jpg
2011-2-11 15:59
20110203_366.jpg
2011-2-11 15:59
20110203_365.jpg
2011-2-11 15:59
20110203_361.jpg
2011-2-11 15:59
20110203_360.jpg
2011-2-11 15:59

20110203_419.jpg
20110203_234.jpg
20110203_335.jpg
1

評分人數

鴨仔去旅行~~!

very useful info, thanks for sharing.

廣州南站很漂亮!
又發現一個新的旅遊地點了!謝謝!